Borussia Dortmund nuk heq dorë nga shpresa që Erling Haaland të qëndrojë te verdhezinjtë.
Norvegjezi, kontrata e të cilit me Dortmund skadon në vitin 2024, mund të largohet nga Borussia verën e ardhshme për 75 milionë euro.
Sipas Bild, drejtuesit e klubit verdhezi kanë ndërmend ta bindin duke ia dyfishuar rrogën. Deri tani, Haaland është paguar 8 milionë euro në sezon, ndërsa mund të arrijë deri në 16 milionë falë një marrëveshje marramendëse me sponsorin teknik Puma.
Haaland do të bëhej kështu lojtari më i paguar i Puma-s, duke kaluar edhe veteranin Marco Reus (32 vjeç), që fiton rreth 12 milionë euro në vit.