Komunikatë zyrtare e West Ham, që ka marrë masa pas videos që ka qarkulluar në rrjet në të cilën shfaqet lojtari Kourt Zouma keqtrajton macen e tij.

Klubi londinezi po mbështet një hetim të RSPCA (ent bamirësie për parandalimin kundër keqtrajtimit të kafshëve). Lojtari ia ka dorëzuar dy macet e familjes këtij enti me qëllimin që të shihet gjendja e tyre shëndetësore.

West Ham, pasi ka dënuar përsëri veprimet e lojtarit, ka bërë të ditur se e ka gjobitur Zouma me 250 mijë sterlina (dy javë rrogë) dhe se lojtari e ka pranuar dënimin, duke kërkuar që shuma të jepej në bamirësi për entet në mbrojtje të kafshëve.