30 minutat e para të Ekuardo-Brazil kanë qenë të çmendura.
Ndeshja e vlefshme për kualifikueset në Katar 2022 është zhbllokuar në minutën e 6-të nga Casemiro.
Kaosi ka fituar në minutën e 15-të, kur Dominguez, portieri i Ekuadorit, ka bërë një ndërhyrje të frikshme ndaj Cunha-s.
Arbitri nuk ka patur dyshime pasi ka rishikuar aksion në VAR dhe e ka ndëshkuar me të kuq direkt.
Pesë minuta më vonë është vendosur barazia numerike në fushë pasi Emerson Royal ka marrë kartonin e tij të dytë të verdhë për një ndërhyrje të rrezikshme.
Më pas ka ardhur radha e Alisson, portieri i Brazilit, i cili është ndëshkuar fillimisht me karton të kuq nga arbitri për ndërhyrje të rrezikshme, por i kuqi është kthyer në të verdhë pas ndërhyrjes së VAR.
Kjo është hera e parë që në një ndeshje amerikanojugore për kualifikueset e botërorit më shumë se një lojtar dënohet me karton të kuq që nga qershori i 2013-ës (Argjentinë 0-0 Kolumbi, Higuain dhe Zapata).