Chelsea fitoi Kupën e Botës për Klube duke mposhtur brazilianët Palmeiras në kohën shtesë falë një penalltie të Kai Havertz. Golit të Romelu Lukakut për avantazhin e kampionëve të Europës iu përgjigj ai i brazilianëve me Raphael Veiga: sfida mbeti e balancuar në të 90-ën dhe u deshën edhe 30 minuta të tjera për të shpallur skuadrën më të mirë në botë për vitin 2021.
Djemte e Thomas Tuchel fituan këtë titull, i pari në historinë e Bluve, falë një 11-te metershi të fishkëllyer në favor të anglezëve për një prekje të dorës nga Luan në goditjen e Azpilicuetës: vlerësimi i VAR ishte vendimtar. Arbitri, i cili nuk e vuri re parregullsinë e lojtarit të Verdão, u therrit nga VAR.
Kapiteni i klubit londinez ka qenë protagonist i një situate që jo të gjithë e kanë vënë re në minutat në vijim.
Pasi Chris Beath, gjyqtari i finales, tregoi penalltinë, kapiteni i Chelsea u bë protagonist i një “lojë mendore” të vërtetë me kundërshtarët e tij: Cezar Azpilicueta mashtroi të gjithë Palmeiras duke u shtirur si ekzekutues i penalltive dhe duke marrë gjithë vëmendjen e futbollistëve brazilianë.
32-vjeçari rrëmbeu topin dhe veproi si joshje për kundërshtarët: në këtë mënyrë spanjolli arriti të largonte vëmendjen nga gjuajtësi i caktuar dhe u bë objektivi i taktikave shqetësuese të djemve të Abel Ferreira.
Shumë do të mendojnë: por a i mendojnë vërtet edhe këto gjëra? Epo, po. Është e qartë se ata nuk përpiqen, nuk ka asgjë për të eksperimentuar në këto raste, por për të lehtësuar presionin mbi gjuajtësin, ka perpjekje edhe me marifete të tilla.
Edhe profesori i psikologjisë sportive në Shkollën Norvegjeze të Shkencave Sportive, Geir Jordet, mendoi ta shpjegonte këtë lloj situate me një fije të gjatë në Twitter.
Është një lloj kushtëzimi, ai kundër njëmbëdhjetëmetërshave, që përdoret nga disa skuadra: mes tyre është edhe Chelsea, siç theksoi vetë profesor Jordet.
Kur një penallti fishkëllehet dhe kupton se kush do të jetë goditesi, përpiqesh të ushtrosh presion në çdo mënyrë ndaj tij…
Plani, duhet pranuar, funksionoi në mënyrë perfekte: lojtari gjerman i Chelsea arriti të kalonte sekondat para goditjes pa shumë presion dhe të mos shpërqendrohej nga lojtarët e Palmeiras: topi kaloi nga duart e Azpilicueta në duart e Havertz-it vetëm në zonën e rreptësisë.
Një taktikë vërtetë e shkëlqyer, e cila kulmoi me gëzimin pas golit që sanksionoi fitoren e bluve.
Ishte i vetmi trofe që Roman Abramovicit i mungonte që kur mori drejtimin e Chelsea në 2003 dhe arriti të ngjitej në majat e botës falë një “lojë mendore” nga Cesar Azpilicueta, i quajtur shkurt aktor…
