Sezoni 2022 ende nuk ka nisur për tenistin serb Novak Djokovic, që aktualisht ndodhet në Spanjë, në Marbella, duke u stërvitur më stafin e tij. Ai vendosi të mos luajë në turneun ATP Cup (turneu i kombëtareve që po zhvillohet në Sidney), duke u tërhequr në momentin e fundit nga ky event.

Ndërkohë që, në dilemë është prania e tij në grand slam të Australian Open, pasi nuk është i vaksinuar, kusht ky për të marrë pjesë. Ai është kampion në fuqi dhe numri 1 në botë, por ende nuk dihet nëse do të luajë apo jo, ndërkohë që grand slam i Australian Open nis pas dy javësh (17 janar).