Vanessa Bryant, bashkëshortja e ish-basketbollistit Kobe Bryant, ka komentuar dëshminë e saj në gjyq në lidhje me çështjen e publikimit të fotove të viktimave nga aksidenti me helikopter i 26 janarit 2020. Në atë aksident humbën jetën 9 persona, mes të cilëve edhe Kobe Bryant e vajza e tij Ginna.

Vanessa ka shpërthyer në lot gjatë proçesit, ku tha: “Prisja që njerëzit të kishin më shumë keqardhje e respekt për atë që ndodhi. Bashkëshorti dhe vajza ime meritojnë më shumë dinjitet”.

“Bashkëshorti im ishte një ikonë, shumë i njohur dhe i dashur nga shumë persona. Për ne, në shtëpinë tonë, ishte vetëm Kobe. Nuk dua që vajzat të përballen në të ardhmen me këto foto, kam 3 vajza të vogla”, tha Vanessa Bryant.

“Trupi i bashkëshortit të saj u hoq nga vend ii ngjajes që ditën e aksidentit, ndërsa trupi i vajzës një ditë më vonë. Ndaj, kush e fotografoi, ka hequr mbulesën që ishte sipër saj. E kanë dhunuar, duke përfituar nga fakti që babai i saj nuk e mbronte dot. Për të vënë drejtësi, jam gati të shkoj deri në ferr”, tha Vanessa Bryant.