Manchester United ka regjistruar një tjetër rezultat zhgënjyes në kampionatin anglez. Djajtë e Kuq, në fakt, nuk kanë shkuar më larg se një barazuim 1-1 kundër Southampton-it të Armando Brojës.

Një moment negativ për skuadrën e Ragnick, por edhe për Cristiano Ronaldo-n, i cili nuk shënon gol prej gjashtë ndeshjeve radhazi. Kjo është ecuria më e keqe e CR7 që nga viti 2009-të.

Një ecuri kjo që mund të kishte marrë fund në minutën e 7-të të pjesës së parë, kur portugezi është gjendur me portën e boshatisur, por nuk ka arritur të shënojë.

Gjatë ndeshjes me Southampton ka rrezikuar shumë edhe Bruno Fernandes, i cili ka provuar të godasë me grusht Ward Prowse gjatë një përplasje që ka patur më mesfushorin e Shenjtorëve gjatë ndeshjes.