Të mërkurën në mbrëmje do të zhvillohet në San Siro ndeshja mes Inter-it dhe Liverpool-it, e vlefshme për 1/8-at e Champions League. Një përballje prestigjioze, për të cilën ka folur edhe legjenda e Të Kuqve, Ian Rush.
“ZIkaltrit luajnë si skuadrat angleze, në sulm. Futbolli i tyre është me të vërtetë i bukur për t’u parë”, ka thënë Rush në një intervistë të dhënë për të përditshmen italiane Tuttosport.
“Kush është favorit? Duke parë rezultatet e fundit, tani do të thoja Liverpool-i. E dimë se në futboll mund të ndodhë gjithçka. Por në një përballje të dyfishtë, i shikoj Të Kuqtë favoritë. 6 0% me 40% për djemtë e Klopp-it”.