Piloti spanjoll Fernando Alonso, dy herë kampion bote në Formula 1, ka rrëfyer emocionet që ka përjetuar kur ka pilotuar në vitin 2016 një motor Honda të botërorit të MotoGP. Ai u shpreh se për të ka qenë një makth i vërtetë edhe pse dëshira dhe adrenalina për një aventurë të re ishte e madhe.

“Është e pabesueshme të shohësh se çfarë mund të bëjnë këta motorë. Kur merrja kthesën ulja vetëm gjurin dhe jo bërrylin edhe pse doja ta bëja një gjë të tillë, për të ndjerë të gërvishturën në trup dhe të provoja faktin që preka asfaltin. Të jem i sinqertë, në ato momente jam trembur, isha i tmerruar”, tha Alonso.