Barcelona-Napoli do të jetë një përballja e madhe e playoff-eve të Europa League. Në lidhje me këtë super sfidë ka folur në konferencë për shtyp edhe ylli i katalanasve, Pedri.

“Na tregohen shumë imazhe të kundërshtarëve, edhe pse nuk kemi shumë kohë për t’i përgatitur ndeshjet. Duhet të bëjmë kujdes për lojtarë si Insigne, më pas është Osimhen në kundërsulm, kjo është frika, por jemi Barça dhe duhet të kontrollojmë lojën dhe të bëjmë kujdes”, ka thënë Pedri.

“Duam ta fitojmë Europa League. I ftoj tifozët e Barçës të vijnë në stadium për ndeshjen e së enjtes. Do të japim gjithçka: është si një finale e parakohshme. Fabian Ruiz? Nuk kam folur me të. Do t’i flas para ndeshjes, por shpresoj që të mos jetë në formë”, ka përfunduar mesfushori i katalansve duke qeshur.