Drejtori ekzekutiv i Bayer Leverkusen, Rudi Voller, ka komentuar idenë e FIFA-s për ta zhvilluar Kupën e Botës çdo dy vite:
“Është një ide absolutisht e çmendur. Çdo dy vite zhvillohet një ngjarje e madhe sportive. Europiani është një Botëror i vogël. Në rast se do të bëhet një gjë e tillë, çdo verë do të zhvillohet një Botëror ose një Europian. Stresi për lojtarët do të ishte shumë i madh”, ka thënë Voller.
Në lidhje me Kupën e Botës që do të zhvillohet në Katar:
“Do të jetë një Botëror shumë special. Mendoj se e kanë zgjidhur në mënyrë shumë të mirë problemin e kalendarëve. Mendoj se do të jetë një Botëror fantastik si gjithë të tjerët dhe e presim me padurim”.