Kombëtarja U-16 zhgënjen në Europian, 7 humbje dhe vendi i fundit

Kombëtarja U-16 në basketboll për vajza ka zhgënjyer në Kampionatin Europian të Basketbollit të kësaj grupmoshe. Shqipëria mori pjesë në Divizionin B, ndeshjet e të cilit u luajtën në Sofie të Bullgarisë dhe u rendit në vendin e fundit, atë të 23-të.

Kombëtarja kuqezi, e drejtuar nga trajnerja Ledina Koçi, u mund në të 7 takimet e luajtura, si ato në grup ashtu dhe ato për renditje. Një rezultat jo fort i mirë, teksa disa nga humbjet ishin me shifra të frikshme, çka tregon për nivelin e basketbollit në vendin tonë.


Nga ndeshja Shqiperi-Bjellorusi

Shqipëria ishte në Grupin B, ku u mund nga Bjellorusia, Irlanda, Britania, Austria e Portugalia. Më pas erdhën edhe dy ndeshjet për renditje, por “muzika” nuk ndryshoi. Dy humbje, ndaj Bosnjës dhe Islandës, duke e renditur Shqipërinë në fundin e tabelës së renditjes.

Rezultatet teknike (Grupi B)

Shqipëri – Bjellorusi, 24-104

Shqipëri – Irlandë, 37-106

Shqipëri – Britani e Madhe, 47-84

Shqipëri – Austri, 42-83

Shqipëri – Portugali, 39-90

Vendet 17-23

Shqipëri – Bosnjë/Herzegovinë, 39-90

Vendet 21-23

Shqipëri – Islandë, 43-79

Leave A Comment