Ka shumë tifozë të Atletico Madridit që e konsiderojnë dëbimin nga fusha me karton të kuq të Antoine Griezmann të tepruar për goditjen e tij ndaj Firmino. “Rojiblancos” e konsiderojnë atë karton të kuq shumë rigoroz. Kjo bazohet te kriteret e ndryshme për sanksionimin e veprimeve të ngjashme, ose praktikisht të njëjta.

Kjo është pikërisht ajo që ndodhi pothuajse në të njëjtën kohë në stadiumin “Do Dragao”, në ndeshjen tjetër të grupit midis Portos dhe Milanit. Në një veprim të ngjashëm, Ibrahimovic ndërhyn për topin në dyluftim me Mbemba. Suedezi e ngre këmbën aq lart, sa pothuajse goditi fytyrën e mbrojtësit të skuadrës portugeze.

Në këtë rast, gjyqtari zgjodhi të tregojë thjesht një karton të verdhë. Ishte minuta e 87-të dhe Felix Brych nuk ishte aq i fortë sa kolegu i tij profesionist në “Wanda Metropolitano”, që e “skuqi” Griezmann.

Kritere të ndryshme në raste ndërhyrjesh të ngjashme. Situata që, në rastin e “rojiblancos”, përforcojnë argumentin e tyre për ashpërsinë e treguar nga kryesori ndaj Griezmann. Një ndeshje, përfundimisht vendimtare për të ardhmen e kreut të grupit kualifikues.