Moment shumë i keq për Manchester United, që vazhdon të zhgënjejë në Premier League. Në ndeshjen e fundit ka ardhur një barazim 1-1 në shtëpi kundër Southampton-it. Një situatë aspak e kënaqshme që kalon përtej fushës.

Në fakt, siç është dokumentuar nga Jake Humphrey, gazetar anglez i BT Sport, problemet e Djajve të Kuq duket se kanë të bëjnë edhe me ushqimin që u ofrohet tifozëve në shkallët e stadiumit.

Gazetari ka publikuar në rrjetet sociale disa imazhe të ushqimit që i është ofruar gazetarëve të ndryshëm nga Manchester United. Ushqimi, i ofruar në një kuti plastike, nuk e ka bindur aspak Humphrey, i cili ka komentuar me sarkazëm:

“Vezë të rrahura dhe pure patatesh. UAau. Faleminderit për drekën Manchester United”.

Pak më vonë, vetë gazetari ka treguar se çfarë i është ofruar vetëm pak javë më parë nga Manchester City, me rastin e një ndeshje në Champions. Një mesazh në Tëitter që më pas është hequr sepse po shkaktonte shumë polemika për shkak të diferencës së madhe në cilësi.

Shumë tifozë kanë përfituar nga rasti për të sulmuar United, duke krahasuar lojën e skuadrës së Rangnick me ushqimin e ofruar. Një moment negativ që duket se i prek të gjithë sektorët në shtëpinë e Djajve të Kuq.