Një aluzion polemikash, ndoshta edhe diçka më shumë. Thomas Müller ka vetëm 18 muaj të mbetur në kontratën e tij me Bayern Munich. Nuk ka asgjë për t’u shqetësuar, përveç lojtarëve të tjerë të nivelit të lartë, të lidhur me klubin deri në vitin 2023, me të cilët klubi bavarez tashmë ka hyrë në negociata për rinovimin.

Jo vetëm kaq: Manuel Neuer ka gjetur tashmë një marrëveshje për zgjatjen e kontratës deri në vitin 2025. Edhe për Lewandowski, bisedimet tashmë kanë avancuar, deri në atë pikë sa klubi do të dëshironte të rinovonte deri në verë, ose ndoshta ta shesë polakun dhe mbledhë para për të gjetur një zëvendësues të përshtatshëm (Haaland).

Megjithatë, Müller u mënjanua nga kjo fushatë negociatash rinovimi. Asnjë sinjal, asnjë negociatë me veteranin gjerman. Dhe në Angli disa klube po mendojnë për të.

SITUATA – “Askush nga Bayerni nuk më ka kontaktuar për të rinovuar, kështu që për të ardhmen time duhet të presim dhe të shohim”, – shpjegoi Thomas Müller për “Bild”. Në të kaluarën, sulmuesi gjerman ishte afër transferimit te Manchester United (atje e donte Van Gaal, i cili gjithashtu e drejtoi në ditët e tij te Bayerni).

Tani që klubi bavarez po heziton për rinovimin, disa klube të Premier League do të përpiqen ta bindin Müller që të transferohet në Angli. Müller ka ende disa tifozë te “Djajtë e Kuq”, por mbi të gjitha Everton dhe Newcastle janë gati të “thyejnë bankat” për ta pasur atë. Natyrisht, duke përfituar nga ky aluzion polemikash për shkak të mungesës së kontaktit midis Müller dhe Bayern Munich.