Radja Nainggolan, ish-mesfushori i Interit dhe Romës, sot tek Antwerp, ka dhënë një intervistë për mikrofonat e kanalit Twitch, “OCW Sport”. Këto janë fjalët e tij.
JUVE – “Unë thashë nuk do të shkoja atje. Kur isha te Roma, bardhezinjtë më kërkuan, por nuk shkova. Nuk e urrej Juventusin, ndryshe nga ato që shkruajnë. Më pëlqen të fitoj ndaj më të fortëve, sfida ime është kjo”.
LAMTUMIRA NGA ROMA – “Isha te Roma, luajtëm gjysmëfinalen e Ligës së Kampionëve. Ndjeva se Monchi më donte. Isha me pushime, më vinin telefonata edhe nga Turqia. Roma iu kishte dhënë mandate disa menaxherëve që të më shisnin te klubi që jepte më shumë para. Vendosa se ku të shkoja dhe zgjodha Interin me Spalletti”.
KTHIMI NË ROMË – “Nesër do të kthehesha në këmbë, por historitë e dashurisë që kanë përfunduar mirë mund të shkatërrohen me rikthime. Nëse kthehem sot dhe rezultatet mbeten ato që janë, paguaj si i gjithë ekipi dhe do të prishja marrëdhënien e mirë që ekziston sot”.
DERBI I MILANOS – “Janë të gjithë miq në thonjëza. Nuk është një ndeshje miqësore, por një lojë që mund ta përballosh me qetësi. Në Romë, nëse fiton ose e humbet derbin është jetë a vdekje. Për dhjetë ditë do t’ju masakrojnë tifozët po humbët. Në Milano humbisni derbin dhe të nesërmen bëni shëtitje në qendër të qytetit dhe asgjë nuk ndodh”.
SPALLETTI – “E shoh përsëri me temperament, ai është dikush që nuk bën atë që bëj unë. Luciano gjithmonë ka ecur drejt. Është aq impulsiv, sa të përkrah si burrë dhe nuk lejon askënd të t’i vërë këmbët në kokë. Është një gjë e mirë, por nuk pranohet nga të gjithë herë pas here. Nuk ka frikë nga askush, është një kafshë fizikisht. Kur ishim tek Interi, unë kisha një dhomë në katin e parë pranë palestrës dhe ai bënte ushtrime në orën një të mëngjesit. Është ai që më ka dhënë më shumë nga të gjithë trajnerët, kam marrë gjithçka dhe jam përpjekur gjithmonë t’i jap më të mirën atij. Si mesfushor sulmues, ai nuk e pa vetëm lojtarin, por donte presion të lartë. Me Tottin? Askush nuk ka të drejtë, është një luftë në të cilën duhet të mbani anën e të dyja palëve. Totti gjithmonë do të ketë këmbë të mira, por donte të vendoste fundin e karrierës së tij. Ai e meritonte, edhe unë do të isha ndjerë ashtu. Ama, Spalletti kishte arsyet e tij për ta bërë këtë. Trajneri është gjithmonë ai që vendos”.
CONTE – “Është një fanatik, i fiksuar. Edhe nëse fiton, dëshiron të përmirësohet më tej. Është i fiksuar pas fitores. Nuk kam luajtur shumë me të tek Interi. Kur dikush është i fortë, ai është i fortë me të, duhet të jem i sinqertë. Ai është një trajner i madh. Ishte i drejtpërdrejtë me mua, më tha idetë e tij. Zgjodha të përfshihesha për gjashtë muaj, nuk pata mundësi dhe u largova”.
MOURINHO – “Kam folur me shumë lojtarë që e kanë pasur trajner. Ai është një person i madh, e di që një trajner ka nevojë për lojtarë. Kjo Romë është e ndryshme nga ajo e dhjetë viteve më parë”.
ICARDI – “Është një personazh shumë i veçantë. Fola me të, por nuk ishte shumë i hapur. Ai është një sulmues i fortë, por vitet e fundit duket se ka pushuar së luajturi. Ju e shihni Icardin deri tre vjet më parë dhe ai dukej më i miri në botë për të shënuar gola. Megjithatë, gjithmonë duhet ta gjykoni dikë pas dhjetë vitesh”.
BARELLA – “Ai është një lojtar i madh, është përmirësuar shumë dhe mund të përmirësohet Akoma. Ende shënon pak gola, por edhe unë kam qenë i tillë në fillim, deri në moshën 25 vjeç. Në futboll statistikat flasin vetë”.
DZEKO – “Është sulmuesi më i mirë me të cilin kam luajtur, e kam gjetur veten shumë mirë si mesfushor sulmues me të”.
