Marash Kumbulla përmes profilit të tij në Twitter iu është përgjigjur pyetjeve të disa fansave. Në serinë e “pyetje-përgjigjeve” të realizuar në rrjetet sociale, mbrojtësi shqiptar i Romës përzgjodhi disa kuriozitete të parashtruara nga ndjekësit, duke zbuluar edhe përgjigjet. Faqja “ilromanista.eu” ka zbardhur intervistën e shqiptarit për tema nga më të ndryshme, personale, por edhe sportive.

A jeni më mirë në një mbrojtje me tre apo katër?
Kam filluar në mbrojtjen me 3, por më pëlqen shumë të luaj me 4.

Sa po mësoni nga një trajner si Mourinho?
Është një mundësi e madhe për një lojtar të ri që të jetë në gjendje të punojë me një trajner si ai.

Cili është shoku i skuadrës, më i vështiri për t’u markuar?
Sulmuesit tanë janë shumë të fortë, kështu që unë them Zaniolo dhe Abraham.

Cili ka qenë momenti juaj më i mirë te Roma?
Java në të cilën shënova 2 gola radhazi, kundër Young Boys dhe Milanit.

Përshëndetje Kumbulla, kam 3 pyetje: Si ndiheni në Romë? Me kë jeni lidhur më shumë në ekip? Si ndiheni me José Mourinhon?
Ndihem mirë, sepse Roma është një qytet i mrekullueshëm. Kam një marrëdhënie të mirë me të gjithë shokët e mi, jemi një grup shumë i ngushtë. Me Mourinho ndihem mirë, sepse i vlerësoj vërtet njerëzit e sinqertë.

Cilin variant do të zgjidhnit: të shënoni gola apo ta mbani portën të pastër?
Portën e pastër dhe të shënoj gola.

Cili është shoku i skuadrës që flet më shumë në dhomat e zhveshjes? Ai që bën më shumë shaka?
Zaniolo është ai që bën më shumë shaka.

A ishte e vështirë të zgjidhje kombëtaren shqiptare, pavarësisht se praktikisht e ke kaluar gjithë jetën në Itali?
Ndihem edhe italian, edhe shqiptar, por zgjedhja nuk ishte e vështirë. Jam krenar që përfaqësoj kombëtaren shqiptare.

Sa po mësoni me një trajner si Mourinho?
Po mësoj shumë, sidomos nga pikëpamja e karakterit.

Çfarë ndikimi ka pasur në jetën tuaj të luajturit për Romën?
Kam mbajtur të njëjtin stil jete që kam pasur në Verona, kështu që nuk kam vuajtur shumë prej tij.

Pjata e preferuar?
Që kur jam këtu në Romë, carbonara.

Filmi juaj i preferuar?
Fillimi.

Cili është vendi juaj i preferuar në Romë?
Via Piccolomini më ka mrekulluar.

A mund të rekomandoni një pjatë shqiptare?
Unë rekomandoj një ëmbëlsirë shqiptare që quhet trileçe.

A preferoni një gënjeshtër të mirë apo një të vërtetë të keqe?
Një të vërtetë të keqe.

A preferoni carbonara, amatriciana apo cacio e pepe?
Më fute në telashe, por carbonara është carbonara.