Një gol i ka mjaftuar Chelsea-t për të marrë tri pikët në fushën e Malmo, në javën e katërt yë Champions League.
Londinezët kanë shkuar në kuotën e 9 pikëve në Grupin H, po aq sa Juventus kryesues për shkak se ka fituar përballjen direkte dhe që do të luajë pas pak kundër Zenit.
Sfida e luajtur në Eleda Stadion është vendosur nga një gol i Ziyech në minutën e 56-të.
Ndeshja e tjetër e orës 18:45, luajtur mes Wolfsburg dhe Slazburg, është fituar 2-1 nga gjermanët. Klubi i Bundesliga-s ka marrë fitoren e parë në Grupin G dhe është ngjitur në vendin e dytë.
Baku (3′) dhe Nmecha (60′) kanë shënuar për Wolfsburg, ndërsa Wober (30′) ka barazuar përkohësisht shifrat për Salzburg.