Theo Hernandez ka nënshkruar një kontratë të re me Milanin, e cila parashikon një zgjatje deri në vitin 2026 me një rregullim të pagës në 4 milionë euro neto në sezon plus bonuse.
Njoftimi – “AC Milan ka kënaqësinë të njoftojë zgjatjen e kontratës së Theo Bernard François Hernández deri më 30 qershor 2026. Theo mbërriti te AC Milan në verën e vitit 2019 dhe menjëherë tregoi cilësitë e tij në fushë, duke fituar admirimin dhe dashurinë e tifozëve kuqezi në të gjithë botën. Pas 108 paraqitjeve, 19 golave dhe 18 asistimeve, Theo Hernández dhe Milan do të vazhdojnë rrugëtimin e tyre së bashku”
FJALET E THEO HERNANDES:
“Jam shumë i lumtur. Që në ditën e parë që kam ardhur këtu kam kaluar shumë mirë me trajnerin, ekipin, Maldinin dhe të gjithë. Prandaj rinovova. Tani duhet të vazhdojmë kështu dhe t’i bëjmë gjërat mirë.
Është e vërtetë që kishte shumë skuadra. Ata më donin, por unë mendoja vetëm për Milanin dhe të qëndroj këtu. Jam këtu me tifozët. Jam shumë i lumtur këtu, me miqtë dhe shokët e skuadrës, i fejuar dhe pres fëmijë. Unë jam vërtet i lumtur.”
Çfarë ju thanë Maldini dhe Massara?
“Ne bëmë pak shaka … Por atë që ai donte të më thoshte më tha tashmë kur erdha këtu. Unë e di se çfarë më tha që nga dita e parë”
Një nga mbrojtësit më të mirë në botë ka vendosur të qëndrojë te Milani.
“Jam ende i ri, duhet të rritem dita-ditës. Nuk kam pse të them nëse jam më i mirë se të tjerët, këtë duhet ta thonë njerëzit. Pioli më ka përmirësuar në gjithçka, si person dhe lojë; që në ditën e parë që kam ardhur ai ka thënë se duhet të bëj atë që di dhe tani po e bëj. Më ndihmojnë njerëzit, familja ime dhe agjentet e mi.”
Cilësitë tuaja janë të njohura për të gjithë…
“Më pëlqen të sulmoj më shumë sesa të mbroj. Ideja ime, kur kap topin, është të shkoj në portë… Pastaj nëse dikush është aty, unë e pasoj (qesh). Krahu ynë i majtë është shkatërrues. Rafa është një lojtar i jashtëzakonshëm, i shpejtë dhe teknik; por ai është i ri, ai ende duhet të rritet”
Kur një mbrojtës ju sheh duke synuar porten, çfarë mendon ai?
“Duhet të iki nga këtu!”
Më 6 janar keni mbajtur shiritin e kapitenit të Milanit për herë të parë …
“Trajneri më tha, por unë mendova se ishte një shaka. Ishte e vërtetë, shpresoj ta mbajë edhe më gjatë.”
A ju ndihmoi grupi i Milanit për të nënshkruar?
“Ne jemi një familje e bukur. Ndonjëherë ne dalim të gjithë bashkë, jemi si një familje. Kjo është arsyeja pse qëndrova këtu, sepse jam i lumtur me tifozët dhe me shokët e mi”.
Si e jetoni para-lojën?
“Jam i qetë, nuk e kam ankthin në ditët para ndeshjes. Ditën e ndeshjes përqendrohem, mendoj se çfarë duhet të bëj për të dhënë gjithçka”.
Cila ka qenë dita më e mirë që kur keni qenë në Milan?
“Dita e parë ishte më e mira. Nuk është e lehtë kur nuk luan për një ekip tjetër, nuk e ke këtë besim. Këtu më dhanë besim dhe falë kësaj u bëra lojtari që jam”.
Cili ishte goli më i bukur te Milani?
“Me Udinese, por të gjithë jane te mirë kur shenon”
Cili është momenti më i mirë i ditës suaj?
“Është kur kthehem në shtëpi dhe e shoh te fejuaren time me stomakun e saj, ajo ha gjithçka… Është bukur. Ajo nuk më thotë asgjë se si të luaj, thjesht më thotë gjëra jashtë futbollit. Ajo nuk kupton asgjë për futbollin…”
Milan ka luajtur shumë mirë vitet e fundit…
“Kemi kohë që luajmë mirë. Është një moment i bukur dhe i mrekullueshëm. Duhet të vazhdojmë kështu. Futbolli është argëtim, duhet të argëtohesh dhe nëse nuk të pëlqen nuk mund të luash. Në stërvitje ne qeshim, por atëherë kur duhet ta bëjmë, bëjmë gjëra”.
Tifozët eMilan e duan Theo Hernandez!
“Është një dashuri e pabesueshme. Faleminderit fansave që më duan shumë, mendoj se është sepse po i bëj gjërat siç duhet. Premtoj të brohoras me T në golin e radhës për të gjithë fansat. Faleminderit të gjithëve, historia vazhdon me mua këtu. Forca Milan, gjithmonë!”.
