Ivan Gazidis, CEO i AC Milan, ka dhënë një intervistë për revistën Forbes në të cilën ka folur për stadiumin e ri.

“Është revolucionar për dy skuadrat në rrugëtimin e tyre të kthimit në majat e futbollit evropian. Dhe është revolucionar, në fakt, për futbollin italian, sepse kemi pasur një dekadë të dominuar nga Juventusi në stadiumin e tij të ri…

Nuk është e shëndetshme për një ligë që duhet të rrisë tërheqjen e saj globale. Nëse nuk ndërtojmë stadiume në Itali, e dimë se cila do të jetë e ardhmja. Ne e dimë se çfarë po u japim fëmijëve tanë.

Dhe trashëgimia që ata do të kenë është një kampionat që vazhdon të jetë në një rënie të gjatë, të ngadaltë dhe të vazhdueshme. Nuk është një e ardhme e përgjegjshme për t’iu dorëzuar brezit të ardhshëm. Nuk mendoj se kjo është e ardhmja e futbollit italian. Mendoj se futbolli italian është absolutisht gati për një rilindje”

Sa i përket Milanit aktual, Gazidis thotë: “Ne jemi në rrugën e duhur. Dhe baza e gjithë kësaj janë lojtarët e rinj që transformohen në talentë të klasit botëror me Milanin, të cilët më pas ngrenë nivelin e ekipit, gjë që më pas rrit të ardhurat tona dhe na lejon të investojmë më shumë në skuadër për t’i mbajtur ata.

Jam shumë optimist për atë që do të bëjmë. Dhe kam shumë besim se do t’u japim diçka klubeve, qytetit dhe brezit të ardhshëm që do t’i bëjë ata të ndihen krenarë që janë milanez”