Duke folur në Bobo TV, Antonio Cassano nis një polemike mbi kampionatin italian, për konkurrencën e tij.

Ish-talenti qe ka veshur fanelat e shume skuadrave përmend paraqitjet e Krzysztof Piątek, qe sapo eshte kthyer nga aventura gjermane ka nisur te shenoje serish:

“Iku nga Italia dhe ishte fatkeqësi te Hertha, asnjëherë titullar, do të ketë shënuar 4 gola ne total ne Bundesliga. Kthehet në Itali dhe shënon rregullisht.

Kjo do të thotë se kampionati italian është fals, i dobet totalisht!”

Jo i lumtur Cassano citon edhe shembullin e Mauro Icardit: “Që kur ka qenë në PSG, ai nuk është parë apo dëgjuar më. Ai po bën pak këtë vit, vitin e kaluar dhe madje edhe një vit më parë. Në ekipet e mëdha në liga të një lloji të caktuar duhet të luash futboll. Kean ka shënuar më shumë gola në një vit sesa ai në tre”…

Cassano ka qene shume i ashper me Serie A dhe  shpesh ka thene se e konsideron nje kampionat qe nuk prodhon futboll me perjashtim te pak ekipeve, duke pasur diference me Europen…

Para disa ditesh ai foli edhe per Sensin qe Interi e dha ne huazim te Sampdoria…

“Për mua për momentin ai është mesfushori më i fortë italian, cilësisht dhe me ide. Ai është një lojtar i bujshëm. Si një top player. Më goditi kur ishte ende duke luajtur për Cesena. Më pas shpërtheu te Sassuolo dhe Inter. Për mua ai është më i mirë se Locatelli, Verratti, Jorginho… po të isha Mancini nuk do të kisha asnjë dyshim dhe do të synoja fort ta merrja.

Ai duhet të jetë një shtyllë e kombëtares për vitet e ardhshme. Dobësia e tij deri në tani ka qenë vetëm një, fizike: i dënuar me dëmtime”.