Shifrat nuk gënjejnë kurrë në futboll. Në shtatë përplasje të drejtpërdrejta kundër rivalëve për Champions League, Juventus nuk ka fituar kurrë këtë sezon. Në pjesën më të madhe të sezonit, Allegri ka folur për pikët e humbura me skuadrat e vogla, si ato që përcaktuan renditjen e Juventusit, por pas gjashtë muajsh të sezonit janë këto të dhëna për ndeshjet e mëdha, që na tregojnë se nga vjen kryesisht kjo diferencë prej 9 pikësh nga Milani, 8 pikë nga Interi (që ka një ndeshje më pak), 7 pikë nga Napoli.

Zona e Champions-it për momentin është vetëm “virtuale”, sepse Atalanta është -2 pikë, por me një ndeshje më pak. Detaji para transfertës së mbrëmshme në stadiumin “Gewiss”: disfata në Napoli dhe në shtëpi me Atalantën, barazim në ndeshjen e parë me Milanin, ashtu si me Interin (madje në minutën e fundit). Po kështu rikthimi me Napolin dhe Milanin.

Nuk duhet kujtesë e fortë për dy përplasjet e fundit direkte, që kishin lënë shijen më të hidhur në gojën e bardhezinjve: barazimi ndaj Napolit pas kthimit nga pushimet e Krishtlindjeve (mundësia e humbur ndaj një skuadre plot mungesa dhe jo në momentin e saj më të mire) dhe në “San Siro” kundër Milanit.

Diferenca në Bergamo ishte e gjitha këtu: i njëjti rezultat (barazim) dhe të njëjtat pikë në renditje si tri javë më parë ndaj Milanit, për të përcaktuar një rezultat tjetër (1-1 në vend të 0-0). Në Bergamo, pas më pak se njëzet minutash, Juventusi pati raste për të paktën katër gola, pak a shumë për t’u shfrytëzuar. Të thuash që u kthyem disa javë më parë, kur thuhej se Juve nuk shënonte për atë që prodhonte, do të ishte e parakohshme. Me dikë si Vlahovic në skuadër, është e vështirë të besohet.

Të dhënat për ndeshjet kokë më kokë japin një argument të vlefshëm që gota të jetë gjysmë e mbushur. Nga tani deri në fund të sezonit, në 13 ndeshjet e fundit, vetëm ndaj Interit ka mbetur pa luajtur, referuar kundërshtarëve që luftojnë për Champions League.