Rasti i Kurt Zouma vazhdon të diskutohet ne Angli.

Mbrojtësi i West Ham ishte përjetësuar pak ditë më parë në një video ku godiste me shkelma dhe shuplakë macet e tij. Lojtari përfundoi në një det hallesh: i lënë nga sponsorët dhe mbi të gjitha i pezulluar nga kombëtarja e Francës.

“Kur një lojtar gabon, ai nuk thirret për një kohë. Unë nuk do të ndryshoj mënyrën time të veprimit – pranoi Deschamps në këtë drejtim – Imazhet janë tronditëse dhe të padurueshme”.

Macet janë marrë në mbrojtja nga shoqata RSPCA ndërsa hetimi vazhdon. Zouma tashmë ka marrë një gjobë prej 300 000 eurosh nga klubi anglez dhe po përballet me burgim sipas ligjit francez për abuzimin me kafshët.

Në këtë kaos të përgjithshëm, tifozët e West Ham u rreshtuan edhe kundër mbrojtësit që u vershellye nga mbështetësit e tij në ndeshjen e fundit të ligës kundër Watford.

Bota po shembet dalëngadalë mbi lojtarin që megjithatë nuk është i vetmi i përfshirë në këtë aferë. I përfshirë ishte edhe vëllai i tij Yoan Zouma, i cili luan te Dagenham & Redbridge FC, në Ligën Kombëtare, në kategorinë e pestë të futbollit anglez.

Ai do të ishte personi që do ta filmonte atë video edhe nëse shpërndarja do të ishte vepër e kushëririt të tij. Në çdo rast, përfshirja e tij ka acaruar edhe klubin e tij vendas, i cili përmes një komunikate për shtyp mori një vendim drastik, të qartë në një farë mënyre dhe gjithashtu të domosdoshëm, duke e pezulluar lojtarin nga çdo lloj kompeticioni.

“Dagenham & Redbridge FC ritheksojnë edhe një herë se dënon çdo formë të mizorisë së kafshëve dhe e kupton plotësisht reagimin e shumë prej mbështetësve të saj.

Prandaj Klubi ka vendosur që derisa RSPCA të përfundojë hetimin e saj, Yoan nuk do të luajë për Dagenham & Redbridge në asnjë garë. Çdo veprim i mëtejshëm që do të konsiderohet i nevojshëm do të merret në fund të hetimit të RSPCA”

Një vendim që nuk bën kthesë dhe që kupton më tej dimensionin e asaj që ndodhi. Pavarësisht mbështetjes së disa lojtarëve, Zouma u dënua ende nga të gjithë ata që u përfshinë të cilet kanë parë ato pamje të tmerrshme.

Macet e hedhura nga njëra pjesë e shtëpisë në tjetrën me shqelma dhe shuplaka sikur të ishin tullumbace.

E qeshura në sfond nuk ndihmoi Zouma dhe të gjithë ata që ishin të pranishëm në shtëpinë e tij.

Sa i përket Yoan-it, padyshim që West Ham po e ndjek nga afër historinë për të kuptuar se çfarë vendimi përfundimtar do të marrë për Kurt!